Jing Paras, itinalaga ni Pangulong Duterte bilang Presidential Adviser on Political Affairs

Itinalaga ni Pangulong Rodrigo Duterte si dating Congressman at kasalukuyang Undersecretary of the Presidential Legislative Liaison Office(PLLO) Jing Paras bilang Presidential Adviser on Political Affairs (PAOPA).

May ranggo ng Cabinet secretary ang bagong posisyon ni Paras.

Tungkulin ng political adviser na makipag-ugnayan sa legislative and political coalition para maging maayos ang trabaho ng Office of the President.

Matatandaang naging kontrobersyal si Paras matapos akusahan ni Akbayan Representative Tom Villarin na nagnakaw ng kanyang iPhone X noong 2018.

Pero pinabulaanan ito ni Paras at sinabing nagkamali lang siya ng pagdampot sa kanyang cellphone.