Dagdag-bawas sa presyo ng diesel at gasolina ngayong linggong ito

Magpapatupad ang mga kumpanya ng langis ng ‘dagdag-bawas’ sa presyo ng ilang mga produktong petrolyo sa linggong ito.

Batay sa inisyal na impormasyon, nasa 30 hanggang 45 centavos ang rollback sa halaga ng kada litro ng gasolina.

Pero sa bawat litro ng diesel, tinatayang nasa 45 hanggang 54 centavos ang price hike; habang 20 hanggang 25 centavos naman ang posibleng itaas sa kada litro ng kerosene.

Sa ngayon, wala pang pormal na anusyo ang mga oil company hinggil sa dagdag-bawas sa presyo ng mga produkto.