DPWH, inayos na ang kalsada patungo sa industrial sites sa Misamis Oriental

Madali nang mapupuntahan ang industrial sites sa Tagoloan, Misamis Oriental sa pamamagitan ng inayos na kalsada ng Department of Public Works and Highways (DPWH).

Ayon kay DPWH Secretary Mark Villar, nakumpleto na ang 3.7-kilometer access road na patungo sa PHIVIDEC Industrial Authority sa nasabing lugar.

Umabot sa P60.3 milyon ang inilaang pondo para sa proyekto.

Sakop ng proyekto ang road opening earthworks, concreting ng pavement, line canal, at cross drains sa bahagi ng Sitio Dinugon sa Barangay Sta. Ana.

Ayon sa kagawaran, makatutulong ang proyekto para sa social at economic development ng bansa.