(Courtesy: Secretary Harry Roque)
Nagtataka ang Palasyo ng Malakanyangna hindi pa rin nababago ang resulta ng mga survey firm kaugnay sa bilang ng mga Filipino na magpaturok ng bakuna kontra COVID-19.
Ayon kay Presidential Spokesman Harry Roque, makikita naman sa mga vaccination sites na nag-aagawan ang mga nagpapabakuna kahit na kapos ang suplay nito.
“Hindi ko po maintindihan kung bakit sa mga survey na kinukuha ng mga survey firms eh para bang hindi nababawasan yung hanay ng mga Pilipino na natatakot pa magpabakuna. Ikot po kasi ng ikot, naglalaunch ng mga ceremonial vaccination gaya nito, this is one of the first in an economic zone na talagang sinisimulan namin, ang nakikita ko naman eh kulang ang suplay at hindi nagkukulang ang gustong magpabakuna,” pahayag ni Roque.
Nasa Clark Freeport Zone sa Pampanga si Roque para sa ceremonial vaccination ng A4 workers.
“I think this validates what an earlier SWS survey said na bagamat mataas noong una ang vaccinate hesitancy kapag nakita nila ang kapitbahay nila na nagpapabakuna eh nawawala naman po ang hesitancy na iyan which is good news kasi alam naman po natin na sa pandemyang ito talaga ang solusyon ay nakasalalay lang po sa bakuna and that is why I’m happy na unang una ang team ng ating NTF si Secretary Galvez, si Secretary Duque, si Secretary Vince Dizon have made it possible for us to have the vaccines. It may not be the vaccines that are preferred by the people pero nonetheless po kung hindi natin ginamit ang mga vaccines na ginagawa ng ating mga karatig bansa wala tayo ngayon sa 12 million vaccinated individuals,” pahayag ni Roque.