116 pang pulis, nagpositibo sa COVID-19

Nasa 116 ang bagong napaulat na pulis na tinamaan ng COVID-19 sa Pilipinas, ayon sa Philippine National Police (PNP).

Sa datos ng PNP Health Service hanggang sa araw ng Huwebes (June 24), 27,157 na ang confirmed COVID-19 cases sa hanay ng pambansang pulisya.

Sa nasabing bilang, 1,727 ang aktibo pang kaso.

130 namang pulis ang gumaling sa nakakahawang sakit.

Dahil dito, 25,358 na ang total recoveries sa hanay ng PNP sa naturang sakit.

Wala namang bagong napaulat na nasawi sa PNP dahil sa COVID-19.

Bunsod nito. 72 pa rin ang COVID-19 related deaths sa pambansang pulisya.