Bilang ng napauwing overseas Filipinos sa bansa, lagpas 403,000 na

Wala pa ring patid ang repatriation efforts ng Department of Foreign Affairs (DFA) sa gitna ng pandemya dahil sa COVID-19.

Sa huling tala hanggang June 21, 2021, umabot sa 403,590 overseas Filipinos ang napauwi sa repatriation efforts ng kagawaran.

Sa nasabing bilang, 105,583 ang seafarers habang 296,008 naman ang land-based overseas Filipinos.

Siniguro ng kagawaran na patuloy ang kanilang pagtulong sa mga Filipino na stranded sa ibang bansa dahil sa COVID-19 travel restrictions.

Matatandaang nagsimula ang repatriation efforts ng kagawaran noong Pebrero ng taong 2020.