Hinikayat ni ACT-CIS Rep. Niña Taduran sa mga myembro ng media na magparehistro na para sa pagpapabakuna ng COVID-19 vaccine.
Pinayuhan din ng mambabatas ang mga media practitioners na huwag mamili ng brand ng bakuna.
Paliwanag nito, pinag-aralan naman ng husto ang mga bakuna bago ito ibigay sa mamamayan kaya’t anumang available na vaccine ay maituturing na pinakamainam na proteksyon laban sa virus.
Iginiit pa ng kongresista na mahalaga na magpabakuna agad ang mga taga media dahil lantad ang mga ito sa panganib ng sakit bunsod na rin ng nature ng kanilang trabaho.
Hindi naman aniya tumigil ang pagbabalita at nakakabahala na dahil sa uri ng trabaho ay marami na ring media workers ang nagkasakit ng COVID-19.
Ang media workers ay kasama sa mga essential workers ng A4 category list na kamakailan lamang ay sinimulan ng mabakunahan.