Nagpasalamat na si Senator Panfilo Lacson sa U.S. government kaugnay sa pagbibigay importansiya sa Pilipinas sa ibabahaging bakuna kontra COVID-19.
Ang hakbang, ayon kay Lacson, ay pagpapahalaga sa relasyon ng dalawang bansa.
Ibinilang ng U.S. ang Pilipinas sa mga bansang mapapadalhan ng bahagi ng ibibigay nilang 25 million doses ng bakuna.
Ang suhestiyon lang ng senador na gawing gobyerno sa gobyerno ang pag-uusap ukol sa donasyon para mapabilis ang pagdating sa bansa ng mga bakuna.
“Thank you. We won’t forget this gesture of friendship. Unless World Health Organization protocols are too strict on vaccine donations, it would be better if it’s done bilaterally instead of through COVAX. Our people need the vaccines ASAP,” ang tweet ni Lacson.
Una nang sinabi ni Lacson ang pangangailangan na magkaroon ng ‘steady supply’ ng bakuna sa Pilipinas para mabilis na maabot ang target na ‘herd immunity’ na kinakailangan naman para makarekober na nang husto ang ekonomiya ng bansa.