Rachel at Ross sa “Friends” nagkaroon ng crush sa isa’t-isa

(Web photo)

Isang pasabog ang ibinunyag ng mga bida ng sikat na TV series na “Friends.”

Sa reunion special ng 1990s sitcom, tinanong ng host na si James Corden kung nagkaroon ng real-life chemistry ang mga bida.

Dito na inamin ni David Schwimmer na mayroon siyang crush kay Jennifer Aniston.

Pero ayon sa dalawa, hindi natuloy ang kanilang relasyon dahil mayroon din silang mga sariling relasyon sa iba.

Ayon kay David at Jennifer, idinaan na lamang ang kanilang damdamin sa kanilang karakter sa sitcom bilang sina Ross at Rachel.