COVID-19 recoveries sa PNP, 20,878 na

Nasa 148 ang bagong napaulat na pulis na tinamaan ng COVID-19 sa Pilipinas, ayon sa Philippine National Police (PNP).

Sa datos ng PNP Health Service hanggang sa araw ng Huwebes (May 20), 22,316 na ang confirmed COVID-19 cases sa hanay ng pambansang pulisya.

Sa nasabing bilang, 1,376 ang aktibo pang kaso.

134 namang pulis ang gumaling sa nakakahawang sakit.

Dahil dito, 20,878 na ang total recoveries sa hanay ng PNP sa naturang sakit.

Wala namang napaulat na nasawi sa PNP dahil sa COVID-19.

Bunsod nito. 62 pa rin ang COVID-19 related deaths sa pambansang pulisya.