Si Roque lang ang awtorisadong magsalita ukol sa WPS – Duterte

Tanging si Presidential Spokesman Harry Roque lamang ang awtorisadong magsalita kaugnay sa West Philippine Sea.

Ayon kay Pangulong Rodrigo Duterte, walang ibang miyembro ng Gabinete maliban kay Roque ang dapat na magsalita kaugnay sa nasabing isyu.

Umiinit ang usapin sa West Philippine Sea matapos mamataan ang Chinese vessels na nasa teritoryo ng Pilipinas.

Ayon sa Pangulo, kung may magsasalita man na miyembro ng Gabinete, dapat sila lamang ang mag-usap at hindi na sa harap ng publiko.

Matatandaang minura ni Foreign Affairs Secretary Teodoro Locsin Jr. si Roque dahil sa pangingialam sa usapin sa West Philippine Sea.