127 katao, nawawala matapos lumubog ang barko sa India

Nawawala ang 127 katao makaraang lumubog ang sinasakyan nitong barko sa bahagi ng Mumbai, India.

Ayon sa Indian navy, nangyari ang insidente sa kasagsagan ng pananalasa ng Cyclone Tauktae.

Lumubog ang barko dahil sa tindi ng alon at hangin sa nasabing lugar.

Nasa 273 ang kabuuang bilang ng mga nakasakay sa naturang barko, 146 rito ang nailigtas.

Dalawang ships at helicopters ang itinalaga para umasiste sa search and rescue operations.