Publiko, muling binalaan ng DSWD laban sa pekeng Facebook accounts

Naglabas ng babala ang Department of Social Welfare and Development (DSWD) sa publiko ukol sa ilang pekeng Facebook accounts.

Tinukoy ng kagawaran ang Facebook accounts na “DSWD NEWS AND UPDATE” at “DSWD News And Update 2021.”

Nilinaw ng DSWD na hindi ito opisyal na social media accounts at wala itong kaugnayan sa kagawaran.

Paalala nito, iwasan ang pagtangkilik sa mga pekeng page.

Hinikayat ang publiko na sakaling makakita ng mga katulad na page, agad itong i-report.

Para makakuha ng pinakahuling abiso sa mga programa ng kagawaran, maaring bisitahin ang kanilang website na www.dswd.gov.ph at sundan ang kanilang Facebook at Twitter accounts na @dswdserves.