Walo katao nakaranas ng side effects matapos bakunahan ng Sputnik V

Walo katao na nabakunahan ng Sputnik V COVID-19 vaccine ang nakaranas ng minor adverse effect.

Ayon kay Health Undersecretary Maria Rosario Vergeire, kabilang sa mga side effects ang pananakit ng katawan, rashes, pananakit ng likod, sakit ng ulo, pagkahilo at pagtaas ng blood pressure.

Pero ayon kay Vergeire, maayos namang na-manage ng DOH ang mga nakaranas ng side effects at nakauwi rin pagkatapos mabakunahan.

Aabot sa 15,000 doses ng Sputnik V vaccine na galing ng Russia ang natanggap na ng Pilipinas.

Sa ngayon, wala namang natatanggap na ulat ang DOH ng mishandling sa mga bakuna na nangangailangan ng -18 degrees Celsius na storage temperature.