Sa buwan pa ng Hulyo magpapaturok ng bakuna kontra COVOD-19 si Preaidential Spokesman Harry Roque.
Katwiran ni Roque, mayroon pa kasing anti-bodies si Roque matapos makarekober sa COVID-19.
Matatandaang nag-positibo sa COVID-19 si Roque noong Marso.
Sa katunayan ayon kay Roque ay nang pumasok siya kamakalawa sa Palasyo ay lumabas na IGG/ IGM positive siya na isang patunay na mayroon pa siyang immunity sa COVID-19.
Sinabi pa ni Roque na sa Hulyo na lamang siya magpapabakuna dahil ito ang panahon ng pagdating ng bulto-bulyong bakuna.
Hindi naman anya siya mamimili ng brand ng bakuna.
Matatandaang nagpabakuna na kontra COVID-19 sina Pangulong Rodrigo Duterte at Chief Presidential Legal Counsel Salvador Panelo gamit ang bakunang Sinopharm ng China.