Sec. Salvador Panelo nagpabakuna na rin ng Sinopharm

Nabakunahan na rin kontra COVID-19 si Chief Presidential Legal Counsel Salvador Panelo.

Sinabi ni Panelo na Sinopharm na gawa ng China ang itinurok sa kanya na bakuna.

“An hour ago. Sinopharm,”  pahayag ni Panelo.

Binakunahan si Panelo isang araw matapos ang pagbakuna kay Pangulong Rodrigo Duterte gamit ang Sinopharm.

Sa ngayon, wala pang emergency use authorization na ibinibigay ang Food and Drug Administration para sa Sinopharm.

Tanging compassionate use lamang ang ibinigay ng FDA sa Presidential Security Group para sa Sinopharm.