Pangulong Duterte ipinanawagan ang proteksyon at integridad ng mga mamamahayag

Sa paggunita ngayon ng World Press Freedom Day, sinabi ni Pangulong Duterte na dapat ay bigyan proteksyon ang mga mamamahayag sa lahat ng uri ng pagbabanta at pananakot.

Sa kanyang mensahe, kinilala ni Pangulong Duterte ang kahalagahan ng malaya at responsableng pamamahayag sa pag-unlad ng lipunan lalo na ngayon ‘digital age’ kung kailangan napakahalaga ng totoo at tamang impormasyon.

“This year’s theme affirms the nature of news and information as a public good that must be utilized effectively to achieve their intended benefits,” ayon sa punong ehekutibo.

Hinikayat din niya ang publiko na tiyakin mapapanatili ang integridad at kaligtasan ng mga mamamahayag.

Ang kabuuan ng mensahe ay naka-post sa Facebook page ng Presidential Task Force on Media Security.