Arestado ang apat katao, kabilang ang isang freelance artist, matapos silang makumpiskahan ng mga ahente ng PDEA ng higit P1 milyong halaga ng ibat-ibang uri ng party drugs sa Quezon City.
Kinilala ang apat na sina Louise Alexandra Santos, ang freelance artist; Merciano Gopo, Richard Susano at Ashley Fetalvero.
Nakuha sa kanila ang 150 piraso ng ecstasy tablets, 210 piraso ng Molly, 180 gramo ng kush o high grade marijuana, 10 gramo ng cocaine, mga gamit sa repacking ng droga at drug paraphernalia.
Sinabi ni Dir. Derrick Carreon, ang tagapagsalita ng PDEA, alas-2:20 ng hapon nang ikasa ng mga ahente ng PDEA – Southern District Office ang buy-bust operation sa isang bahay sa Mozart St., Barangay Sauyo.
Mahaharap sa mga kasong paglabag sa Comprehensive Dangerous Drugs Act ang apat na naaresto.