Naglabas ng gag order o pagbabawal magkomento ukol sa mga community pantry ang National Task Force to End Local Communist Armed Conflict (NTF-ELCAC) laban kina Lieutenant General Antonio Parlade Jr. and Lorraine Badoy na kapwa tagapagsalita nito.
Ayon kay National Security Adviser Hermogenes Esperon Jr., tumatayong chairman ng NTF-ELCAC, pinagbabawalan pansamantala ang dalawa na magkomento ukol sa mga itinatayong community pantry.
Ito ayon kay Esperon ay upang maalis ang kalituhan sa ginagawang bayanihan ng publiko.
Sabi ni Esperon, “Kapag nagsalita sila akala kasi ng iba, some would take it as the two are against the concept of bayanihan.”
Ipinagtanggol naman ni Esperon ang dalawa at sinabing mayroon ding sariling bayanihan projects ang mga ito sa kanilang mga bayan.