Ginawa ng senador ang paalala dahil sa dumadaming bilang ng mga nangangailangan ng atensyong-medikal dahil sa kasalukuyang pandemya.
Diin niya dapat samantalahin ang medical assistance programs na inaalok sa 102 Malasakit Centers sa buong Pilipinas.
“Ito lang po ang tandaan niyo: basta Pilipino ka, qualified ka po sa Malasakit Center. Wala ng tanong diyan, basta, unang-una, poor and indigent patients… nasa mga public hospital po ‘yang Malasakit Center,” dagdag paalala pa nito.
Aniya ang Malasakit Center ay one-stop shop kung saan maaring humingi ng tulong pinansiyal mula sa apat na ahensiya, DOH, DSWD, Philhealth at PCSO.
Sinabi pa ni Go na ang layon ng Malasakit Center ay wala ng babayaran ang mga mahihirap na pasyente at kung hindi kakayanin ng apat na nabanggit na ahensiya ay maaring sumaklolo na ang Office of the President.