Karagdagang 500,000 doses ng Sinovac vaccines, dumating na sa bansa

Dumating na Pilipinas ang 500,000 doses ng bakuna kontra COVID-19 na gawa ng Sinovac Biotech Ltd., Huwebes ng hapon (April 22).

Lulan ang mga bakuna ng Philippine Airlines (PAL) flight.

Ito ang ikatlong batch ng Sinovac vaccines na binili ng gobyerno ng Pilipinas.

Bahagi ito ng 25 milyong CoronaVac COVID-19 vaccines na binili ng bansa.

Dahil dito, umabot na sa 3,525,600 ang kabuuang bilang ng COVID-19 vaccines na dumating sa bansa.

Samantala, may inaasahan pang dagdag na 500,000 doses ng Sinovac vaccines at 480,000 doses ng Sputnik V sa April 29.