4.9M sa NCR plus bubble nakatanggap na ng one-time ECQ ayuda

Higit 4.9 milyon na sa mga naapektuhan nang pag-iral muli ng enhanced community quarantine (ECQ) ang nakatanggap ng one-time cash aid hanggang kahapon, ayon sa Department of Social Welfare and Development (DSWD).

Ang bilang ay 21.5 porsiyento ng tinatayang higit 22.91 milyon benipesaryo sa Metro Manila, Laguna, Rizal, Cavite at Bulacan.

Sa kabuuan, higit P4.93 bilyon na ang nailabas ng mga lokal na pamahalaan na kasama sa idineklarang NCR plus bubble.

Base sa ulat ng DILG, higit 3.4 milyon sa mga nakatanggap na ng ayuda ay sa Metro Manila, na may tinatayang higit 11.17 milyon benipesaryo.

Samantala, halos P1.5 bilyon naman na ang naipamahagi sa Laguna, Cavite, Rizal at Bulacan.