Sa datos ng Department of Foreign Affairs (DFA) hanggang April 14, nasa 18,005 ang mga kumpirmadong positibo sa COVID-19 na Filipino mula sa 91 na bansa at rehiyon.
Sa nasabing bilang, 5,850 ang patuloy na nagpapagamot sa iba’t ibang ospital.
Apat din ang bagong gumaling kung kaya 11,042 na ang overseas Filipinos na naka-recover sa nakakahawang sakit o na-discharge na sa ospital.
Wala namang bagong napaulat na nasawi.
Dahil dito, 1,113 pa rin ang COVID-19 related deaths sa mga Filipino abroad.
Pinakamarami pa ring naitalang confirmed COVID-19 positive na OF sa bahagi ng Middle East/Africa na may 10,420 na kaso.
Sumunod dito ang Europa na may 3,299 confirmed COVID-19 positive cases na OF.
Nasa 915 naman ang kaso sa Americas at 3,371 sa Asia Pacific Region.
Tiniyak ng DFA na sa pamamagitan ng Foreign Service Posts, tututukan ang lagay ng mga Pinoy sa ibang bansa at handang umasiste sa mga Filipino na apektado ng COVID-19 pandemic.
