Nasa mahigit 230,000 pamilya sa Quezon ang nakatanggap na ng ayuda mula sa pamahalaan.
Ayon sa Quezon City government, mula April 7 hanggang 12, umabot na sa kabuuang 236,557 pamilya o higit-kumulang 750,000 indibiduwal ang nabigyan ng ECQ 2021 cash assistance.
Paalala ng lokal na pamahalaan, may sinusunod na sistema ang bawat barangay sa pagbibigay ng tulong-pinansyal.
Kasama rito ang pag-isyu ng stubs o pagpapapunta ng makakakuha batay sa kalye o alphabetical order upang masunod ang health protocols sa payout centers.
Narito ang link ng listahan ng mga tatanggap ng ayuda sa nasabing lungsod:
https://quezoncity.gov.ph/sap-2021-distribution-list-of-beneficiaries/ at maari ring icheck sa inyong barangay.
Muling pinayuhan ang mga taga-Quezon City na huwag pumunta sa distribution center kung hindi kabilang sa schedule ng barangay.