Bilang ng mag-aaral na rehistrado na para sa SY 2021-2022, higit 2.6-M na

Patuloy pa rin ang early registration para sa School Year 2021-2022.

Sa datos ng Department of Education (DepEd) hanggang 6:28, Lunes ng gabi (April 12), umabot na sa 2,686,834 na mag-aaral ang nakapagparehistro na sa buong bansa.

Sakop nito ang ilang estudyante sa Kindergarten, Grade 1, Grade 7 at Grade 11.

Lumabas din sa datos na naitala ang pinakamataas na bilang ng rehistradong mag-aaral sa Calabarzon na may 290,464; sumunod ang Region 6 na may 216,237; at Region 3 na may 203,041.

Magiging bukas ang early registration hanggang April 30, 2021.