Ayon kay Defensor, baka abutin pa ng isang taon bago magkaroon ng bakuna para sa mga batang edad 15 pababa kayat aniya malabo pa ang face-to-face to classes para sa school year 2021-2022.
Una nang sinabi ni Pangulong Duterte na hindi nito papayagan ang face-to-face classes hangga’t walang bakuna.
Sabi ni Defensor, hindi pa tapos ang pag-aaral ng vaccine developers sa kaligtasan ng kanilang mga bakuna sa mga bata.
Kaya naman hinimok nito ang mga paaralan na ayusin at palawakin ang serbisyo ng online learning gayundin ang modular, television at radio-based instruction para maiwasan ang dropouts at mas maraming estudyante ang makapag-aral sa susunod na pasukan.