Binabantayang LPA, nakalabas na ng bansa

Nakalabas na ang low pressure area ng Philippine Area of Responsibility (PAR).

Ayon kay PAGASA weather specialist Ariel Rojas, tuluyang nakalabas ng bansa ang LPA bandang 10:00, Lunes ng umaga (April 5).

Wala aniyang direktang epekto ang naturang sama ng panahon sa bansa.

Maliban dito, wala na aniyang binabantayang LPA o bagyo sa paligid ng PAR.

Samantala, Northeasterly windflow naman ang nakakaapekto sa Luzon at Visayas.

Magdudulot aniya ito ng mahihinang pag-ulan sa Cagayan Valley at ilang parte ng Cordillera at Aurora.