Pasig Rivery ferry walang biyahe sa Huwebes Santo hanggang Linggo ng Pagkabuhay

Inanunsiyo ng MMDA na walang magiging biyahe ang Pasig River Ferry Service simula sa darating na Huwebes, April 1 hanggang sa Linggo, (April 4).

Ayon sa MMDA ang normal na operasyon ng ferry service ay babalik sa Lunes, Abril 5.

Samantala, sa pag-iral ng enhanced community quarantine (ECQ) sa Metro Manila, 50 porsiyento lang ng kapasidad ng bawat ferry ang pinapayagan.

At tanging mga authorized person outside residence (APOR) ang maaring sumakay sa river ferry at kinakailangan na magpakita sila ng dokumento, partikular na ng ID.

May biyahe ang ferry mula Maynila hanggang Pasig at may mga terminal sa Makati City at Mandaluyong City.