Driver ni Mayor Vico patay sa COVID 19, alkalde mag-quarantine

Inanunsiyo ni Pasig City Mayor Vico Sotto na sasailalim siya sa quarantine matapos mamatay dahil sa COVID 19 ang kanyang personal driver.

Kinilala niya ang kanyang driver na ‘Kuya Vener.’ Hindi na nito nabanggit kung kailan sumakabilang buhay ang kanyang tauhan.

Sa pamamagitan ng Facebook Live, sinabi ni Sotto na naging close-contact siya ng namayapang driver.

Pero giit niya, sumusunod siya sa health protocols.

Sabi pa nito, walang dapat ikabahala sa kanya dahil maayos ang kanyang pakiramdam at wala siyang mga sintomas.