100 dagdag na pulis, itinalaga sa Navotas

Nagtalaga ng karagdagang 100 pulis sa Lungsod ng Navotas.

Tutulong ang mga bagong talagang pulis sa Navotas City Police sa pagpapatupad ng mga ordinansa sa lungsod kasunod ng tumataas na bilang ng kaso ng COVID-19.

Tututukan ang pagpapatupad ng health protocols tulad ng tamang pagsusuot ng face mask, curfew, social distancing, at iba pa.

Nagmula ang mga bagong talagang pulis sa Regional Mobile Force Battalion ng National Capital Region Police Office o NCRPO.