Oral arguments sa Anti-Terrorism Law petitions muling kinansela

Sa pangalawang pagkakataon muling hindi matutuloy ang pagpapatuloy sana ng oral arguments sa Korte Suprema hinggil sa mga petisyon na inihain para pigilin o ibasura ang batas.

Sinabi ni SC Clerk of Court Edgar Aricheta ang suspensyon bukas ay dahil may mga mahistrado na naka-self quarantine.

Ipagpapatuloy na lang ang pagdedebate sa batas sa Marso 16.

Magugunita na noong Pebrero 23 kinansela din ang oral arguments dahil sa katulad na kadahilanan.

Natuloy naman ang ikaapat na oral argument noong sumunod na Martes, Marso 2.

Noong nakaraang Martes, Marso 9, nagkaroon muli ng debate ang mga ayaw at pabor sa batas.