Agad nagbigay pugay si France President Emmanuel Macron kay member of Parliament Olivier Dassault, na namatay nang bumagsak ang sinasakyan niyang helicopter sa Deauville, Northern France.
“Olivier Dassault loved France. Captain of industry, local MP, reserve commander in the air force; throughout his life he never stop ped serving our country,” ang tweet ni Macron.
Pag-aari ng pamilya ng bilyonaryong si Dassault ang Dassault aviation, na gumagawa ng military aircrafts at business jets.
Sa paunang pahayag ng French air accident investigation bureau (BEA) ang helicopter, isang Aérospatiale AS350 Écureuil, ay bumagsak ilang sandali lang matapos lumipad mula sa private resort ni Dassault.
Namatay din ang hindi pa kinilalang piloto ng helicopter.
Miyembro ng partido Les Républicains si Dassault, na tinatayang aabot sa €6 billion o P348 bilyon ang halaga ng yaman.