Sa pakikipag-usap ni Manila Mayor Isko Moreno Domagoso sa 21 alkalde mula sa Quezon province, ipinagmalaki niya ang lumalaking pagtitiwala ng publiko sa vaccination program ng lokal na pamahalaan ng Maynila.
Ito’y sapagkat noong nagsimula ang pagbabakuna sa lungsod noong March 2, umabot na sa 1,034 healthcare workers ang nabakunahan gamit ang Sinovac vaccine.
Umabot sa 153 na mga inidibidwal ang nabakunahan noong March 2, pumalo naman sa 346 healthcare workers ang nabigyan ng bakuna noong March 3 at 535 naman pagsapit ng March 4.
Si Mayor Isko ay dinalaw ng 21 alkalde mula sa Quezon province na karamihan ay dati niyang kasamahan noong siya ay national president ng Vice Mayors League of the Philippines at Secretary General ng Philippine Councilors League.
Si Mayor Isko Moreno ay nagsilbi rin nilang three-term Councilor at three-term Vice Mayor bago siya maging Alkalde ng Lungsod ng Maynila.
