Ilang parte ng Pampanga, Bulacan makararanas ng pag-ulan

Asahang makararanas ng pag-ulan ang ilang bahagi ng lalawigan ng Pampanga at Bulacan.

Batay sa thunderstorm advisory dakong 5:30 ng hapon, iiral ang katamtaman hanggang malakas na buhos ng ulan na may kasamang kidlat at malakas na hangin sa nasabing lalawigan.

Maaapektuhan din nito ang Nueva Ecija partikular sa Talugtug, Guimba, Carranglan at Lupao.

Uulanin din ang Tarlac sa San Clemente, Mayantoc, Camiling at San Jose; Zambales sa Candelaria, Masinloc, Santa Cruz at San Marcelino.

Inabisuhan naman ang publiko na mag-ingat at antabayan ang susunod na update ukol sa lagay ng panahon.