Bilang ng mga sumailalim sa libreng mass swab testing sa Maynila, higit 80,500 na

Nasa 80,531 na ang bilang ng mga indibidwal na sumailalim sa libreng mass swab testing ng lokal na pamahalaan ng Maynila.

Tuloy pa rin ang pagsasagawa ng home swabbing sa iba’t ibang barangay sa lungsod.

Hiwalay pa ito sa regular swab testing sa Quirino Grandstand, Delpan Quarantine Facility at Sta. Ana Hospital.

Wala ring patid ang swab testing para sa public utility drivers, mall workers, hotel employees at market vendors sa Maynila.

Sinabi ni Mayor Isko Moreno na layon ng libreng mass swab testing na matiyak ang kaligtasan laban sa banta ng COVID-19.