Solon: Mga eksperto, hindi politiko ang pakinggan sa pagbabalik ng ‘face-to-face classes’

Pinabubuo ni Pasig City Representative Roman Romulo ang DepEd ng isang grupo ng mga dalubhasa sa agham at medisina na magpapayo ukol sa pagbabalik  ng ‘face-to-face classes.’

Ayon kay Romulo, na siyang namumuno sa House Committee on Basic Education and Culture, dapat na ipaubaya sa mga eksperto ang pagdedesisyon ng pagbabalik sa eskuwelahan ng mga mag-aaral.

Pagdidiin niya hindi dapat ang mga politiko ang masusunod sa isyu.

Hindi rin aniya maaring itulad ang sitwasyon ng Metro Manila sa ibang urban cities kung paiiralin na ang modified general community quarantine (MGCQ) sa buong bansa.

Maari, ayon pa kay Romulo, na pag-aralan kung uubra ang limitadong ‘face-to-face classes’ sa mga matutukoy na low risk areas, depende na rin sa magiging rekomendasyon ng mga eksperto.

Dagdag pa ng mambabatas dapat ay paghandaan na rin ng DepEd ang mga ilalatag na panuntunan at linawin ang mga ito sa mga magulang para magbigay kumpiyansa na magiging ligtas ang mga mag-aaral, maging ang mga guro.

Read more...