Yellow Warning itinaas ng PAGASA sa Northern Samar, Bicol Region

Nagpalabas ang PAGASA ng Heavy Rainfall Warning sa Northern Samar, Sorsogon, Catanduanes, Camarines Norte at Camarines Sur.

Babala ng ahensiya ang malakas na pag-ulan ay maaring magdulot ng pagbaha sa mga mabababang lugar at mga lugar na malapit sa mga ilog.

Ito ay maaring magdulot din ng pagguho ng lupa sa mga bulubunduking bahagi ng mga nabanggit na lalawigan.

Ang nararanasang pag-ulan naman sa Albay, Masbate, Marinduque at Romblon ay maaring tumagal ng dalawa hanggang tatlong oras.

Pinapayuhan ang mga residente sa lahat ng mga nakakakaramdaman na ng epekto ng bagyong Auring na mag-ingat.

Inabisuhan naman ang mga local disaster risk reduction and management units na maghanda.