Kasunod ito nang pag-apruba ng Kamara sa panukala na pansamantalng suspensyon ng contribution hike ng SSS members ngayon taon.
Inihain ni Probinsiyano Ako partylist Rep. Jose Singson Jr., ang House Resolution 1563 para malaman ang kahinaan ng social security program sa bansa na maaring mangailangan ng pagkilos ng Kongreso.
Sinabi ng mambabatas na patuloy lang na pinalalakas ang SSS para matiyak na matatag ang financial condition ng ahensiya.
Dapat ay magkakaroon ng pagtaas sa kontribusyon ng SSS members ngayon ngunit ipinagpaliban ito dahil marami ang nawalan ng trabaho at may mga negosyo na nagsisimula pa lang bumangon.
Ngayon araw, nakatakda na makipagpulong ang SSS sa House Public Accounts Committee.