Aapela ang Metro Manila mayors sa Inter-Agency Task Force for the Management of Emerging Infectious Disease na irekonsidera ang desisyon na pinapayagan nang magbukas ang mga sinehan sa mga lugar na nasa general community quarantine dahil sa Covid 19.
Ayon kay Parañaque City Mayor Edwin Olivarez, chairman ng Metro Manila Council, hindi nakonsulta ang kanilang hanay ng IATF kaugnay sa nasabing usapin.
Batid aniya ng Metro Manila mayors na enclosed o sarado at naka-airconditioned ang mga sinehan at mahigit isang oras ang mga palabas.
Una nang inanunsyo ni Presidential Spokesman Harry Roque na simula sa Pebrero 15, pinapayagan na ang mga sinehan na magbukas ng 50 percent capacity.
MOST READ
LATEST STORIES