Magnitude 3.8 na lindol, tumama sa Ilocos Norte

Niyanig ng magnitude 3.8 na lindol ang Ilocos Norte, Miyerkules ng gabi.

Ayon sa Phivolcs, namataan ang episentro ng lindol sa layong 10 kilometers Southwest ng Pasuquin.

Naramdaman ang lindol bandang 9:07 ng gabi.

27 kilometers ang lalim ng pagyanig at tectonic ang origin.

Dahil dito, napaulat ang intensities sa mga sumusunod na lugar:
Intensity IV – Paoay, Ilocos Norte
Intensity II-Sinait, Ilocos Sur

Instrumental Intensity:
Intensity I – Vigan City

Wala namang napaulat na pinsala at aftershocks sa naturang lugar.