P2.3-M halaga ng dangerous drugs, nadiskubre sa mga hindi pa naipapadalang parcel sa Mandaue City

May nadiskubreng mapanganib na droga ang Philippine Drug Enforcement Agency o PDEA 7 Mandaue Team, katuwang ang Philippine National Police (PNP) at Philippine Postal Corporation 7, sa Mandaue Central Post Office noong January 25, 2021.

Ayon sa PDEA, nagkakahalaga ng P2.3 milyon ang mga nasabat na mapanganib na droga.

Isiniliad ang mga droga, na karamihan ay anti-depressants at pain relievers, sa humigit-kumulang 20 return-to-sender (RTS) parcels.

Ayon sa PhilPost, ang RTS parcels ay idi-dispose na sana dahil hindi mahanap ang senders.

Unang idineklara ang mga parcel na naglalaman ng souvenir items, tools, at mga laruan.

Agad namang nakipag-ugnayan ang PhilPost Mandaue sa PDEA 7 matapos madiskubre ang dangerous drugs.