Shortlist ng mga nominado para sa bakanteng pwesto sa SC, inilabas na ng JBC

Nagsumite na ang Judicial and Bar Council kay Pangulong Rodrigo Duterte ng shortlist ng walong nominado para sa bakanteng pwesto sa Korte Suprema.

Papalit ang mapipiling nominado bilang bagong Supreme Court Associate Justice.

Nagretiro na kasi si Justice Priscilla Baltazar-Padilla noong November 3, 2020.

Kabilang sa mga nominado ang mga sumusunod:
– Apolinario Bruselas Jr.
– Amparo M. Cabotaje-Tang
– Sedfrey Martinez Candelaria
– Ramon Alcala Cruz
– Japar Babay Dimaampao
– Jhosep Ylarde Lopez
– Jose Midas Pascual Marquez
– Maria Filomena Dumandan Singh