Sa huling datos ng Department of Health (DOH) bandang araw ng Huwebes (January 7), umabot na sa 482,083 ang confirmed cases ng nakakahawang sakit sa bansa.
Sa nasabing bilang, 23,675 o 4.9 porsyento ang aktibong kaso.
Sinabi ng kagawaran na 1,353 ang bagong napaulat na kaso ng COVID-19 sa bansa.
82.3 porsyento sa active COVID-19 cases ang mild; 8.4 porsyento ang asymptomatic; 0.48 porsyento ang moderate; 3.1 porsyento ang severe habang 5.8 porsyento ang nasa kritikal na kondisyon.
Nasa siyam naman ang napaulat na nasawi.
Dahil dito, umakyat na sa 9,356 o 1.94 porsyento ang COVID-19 related deaths sa bansa.
Ayon pa sa DOH, 360 naman ang gumaling pa sa COVID-19.
Dahil dito, umakyat na sa 449,052 o 93.1 porsyento ang total recoveries ng COVID-19 sa Pilipinas.