Skyway Stage 3, pansamantalang isasara

Abiso sa mga motorista.

Pansamantalang isasara ang Skyway Stage 3 sa gabi ng Miyerkules hanggang umaga ng Huwebes.

Sa abiso sa Twitter, sinabi ng Skyway O&M Corporation na isasara ang Skyway Stage 3 mula Buendia sa Makati City hanggang Balintawak sa Quezon City.

Epektibo ito bandang 10:00, Miyerkules ng gabi (January 6), hanggang 4:00, Huwebes ng madaling-araw (January 7).

Layon nitong bigyang daan ang construction-related activities.

Humingi naman ng paumanhin ang pamunuan ng Skyway sa mga motorista.