43 pang pulis, naka-recover sa COVID-19

Aabot sa 34 ang bagong napaulat na pulis na tinamaan ng COVID-19 sa Pilipinas, ayon sa Philippine National Police (PNP).

Sa datos ng PNP Health Service hanggang 6:00, Martes ng gabi (January 5), 9,145 na ang confirmed COVID-19 cases sa hanay ng pambansang pulisya.

Sa nasabing bilang, 335 ang aktibo pang kaso.

43 namang pulis ang gumaling sa nakakahawang sakit.

Dahil dito, 8,781 na ang total recoveries sa hanay ng PNP sa naturang sakit.

Wala namang napaulit na nasawi sa PNP dahil sa COVID-19.

Bunsod nito. 28 pa rin ang COVID-19 related deaths sa pambansang pulisya.