Pinalawig pa ng pamahalaan ang travel ban sa iba pang mga bansa na apektado na din ng bagong variant ng COVID-19.
Ayon kay Health Sec. Francisco Duque, maliban sa United Kingdom, sasakupin na din ng ban ay iba pang mga bansa na mayroong bagong variant ng coronavirus.
Inihayag ito ni Health Secretary Francisco Duque III sa isinagawang inspeksyon sa Ninoy Aquino International Aiport terminals ngayong araw (Dec. 29).
Sinabi naman ni Health Usec. Maria Rosario Vergeire na ang mga bansang sasakupin ng travel ban ay inirekomenda ng DOH sa Office of the President.
Exempted sa ban ang mga umuuwing Overseas Filipino Workers pero kailangan nilang sumailalim sa striktong 14 day quarantine pagdating sa bansa.