Isang cabinet member lang ang nabakunahan na kontra COVID-19

Isang miyembro lang ng gabinete ang nabakunahan ng COVID-19 vaccine mula sa China.

Ayon ito kay Interior and Local Government Secretary Eduardo Año.

Sinabi ni Año na nais niyang linawin ang nauna niyang pahayag kahapon, dahil isa lamang ang miyembro ng gabinete na alam niyang naturukan ng bakuna.

Pero hindi inilahad ni Año ang pagkakakilanlan ng gabinete dahil paglabag aniya ito sa right to privacy ng opisyal.

Hindi rin tiyak si Año kung anong bakuna ang tinanggap ng Cabinet member pero binanggit na aniya ni Pangulong Duterte na Sinopharm ang itinurok sa mga nabakunahan na.

Una nang ibinunyag ni Año na may mga tauhan din ng Presidential Security Group (PSG) na tumanggap na ng bakuna.