Prayer event ng El Shaddai, iniimbestigahan ng DILG

Inaalam na ng DILG kung nalabag ang minimum health and safety protocols sa ginanap na prayer rally ng mga miyembro ng El Shaddai sa Parañaque City noong nakaraang Sabado.

Kaugnay nito, ikinagulat naman ni retired Bishop Teodoro Bacani ang imbestigasyon.

Ang obispo ang nagsisilbing spiritual adviser ng organisasyon.

Aniya, ang kanyang alam ay palaging pinaaalahanan ang mga dumalo sa pagtitipon ang pagsuot ng mask at physical distancing.

Tiwala rin si Bacani na kahit mag-imbestiga, lalabas na walang nagkakasakit at aniya, ang naririnig pa niya ay mga kuwento ng paggaling sa sakit ng mga miyembro ng El Shaddai.

Ang pagtitipon ay tinatawag na Family Appointment with El Shaddai.