Paghahanap sa mga nawawalang minero sa Toledo City ipinagpatuloy ng Coast Guard ngayong araw

Patuloy ang paghahanap sa mga nawawalang minero sa isang minahan sa Toledo City, Cebu.

Kasunod ito ng landslide na naganap sa minahan na pag-aari ng Carmen Copper Corporation na ikinasawi na ng 4 na minero.

Ngayong umaga ng Lunes (Dec. 28) ipinagpatuloy ng mga tauhan ng Philippine Coast Guard (PCG) ang search operations sa mga nawawala pang minero.

Batay na din ito sa kahilingan ni Toledo City Mayor Joie Piczon-Perales.

Nabatid na anim pang minero ang pinaghahanap matapos ang insidente.