Magnitude 3.0 na lindol naitala sa Pangasinan

 

Nakaranas ng magnitude 3.0 na lindol ang lalawigan ng Pangasinan, kaninang hatinggabi.

Ayon sa Philippine Institute of Volcanology and Seismology o Phivolcs, naitala ang lindol dakong alas 12:26 ng hatinggabi, Miyerkules.

Naitala ang episentro ng lindol 11 kilometro ang layo sa hilaga-kanlurang bahagi ng Bani, Pangasinan.

Wala namang naitalang intensity ang Phivolcs na maiuugnay sa lindol.

Wala ring naitalang pinsala dulot ng pagyanig.